የሊብያው ፕሬዝዳንት ነበር ሙአመር ጋዳፊ ልጅ መገደሉ ታወቀ።

ኢትዮ ሞኒተር፡ 27/05/2018፡- በሊቢያ የቀድሞ መሪ ሙአመር ጋዳፊ ልጆች መካከል በፖለቲካው ረገድ እጅግ ታዋቂ የነበረው ሰይፍ አል-ኢስላም ጋዳፊ፣ ማክሰኞ ዕለት በዚንታን ከተማ በሚገኘው መኖሪያ ቤቱ ውስጥ መገደሉን ባለሥልጣናትና የሀገር ውስጥ መገናኛ ብዙኃን ዘግበዋል።

የሰይፍ አል-ኢስላም ጋዳፊ የፖለቲካ ቡድን ባወጣው መግለጫ፣ ግድያውን “ፈሪሃዊና ከዳተኛ የክህደት ተግባር” ሲል ጠርቶታል።

እንደ መግለጫው ከሆነ፣ “አራት ጭምብል ያደረጉ ታጣቂዎች” በዚንታን የሚገኘውን ቤቱን ሰብረው በመግባት ጥቃት ፈጽመውበታል።

ገዳዮቹ ወንጀላቸውን ለመደበቅ ሲሉ በቤቱ ውስጥ ያሉ የደኅንነት ካሜራዎችን ዘግተው እንደነበርም ተጠቁሟል። የሰይፍ አል-ኢስላም ጋዳፊ ጠበቃ ካሊድ አል-ዛይዲ እና የፖለቲካ አማካሪው አብዱላ ኦስማን የ53 ዓመቱ ጋዳፊ መሞቱን በማኅበራዊ ገጾቻቸው አረጋግጠዋል።

በትሪፖሊ የሚገኘው የከፍተኛ መንግሥት ምክር ቤት የቀድሞ ኃላፊ ካሊድ አል-ሚሽሪ፣ ግድያውን በተመለከተ “አስቸኳይና ግልጽ ምርመራ” እንዲደረግ ጥሪ አቅርበዋል።