በሳዑዲ ዓረቢያ በአስቸጋሪ ሁኔታ ውስጥ የነበሩ 3 ሺህ 142 ኢትዮጵያውያን ወደ ሀገራቸው መመለሳቸው ተገለፀ።

ኢትዮ ሞኒተር፡ 12/05/2018፡- ‎በሳዑዲ ዓረቢያ በአስቸጋሪ ሁኔታ ውስጥ የነበሩ 3 ሺህ 142 ኢትዮጵያውያን ወደ ሀገራቸው ተመልሰዋል ተብሏል፡፡

‌‎በሳምንቱ ውስጥ በተደረገ 11 ዙር በረራ የተመለሱት 2 ሺህ 980 ወንዶች እና 141 ሴቶች እንዲሁም 21 ህፃናት ሲሆን ከተመላሾች መካከል 82 እድሜያቸው ከአስራ ስምንት አመት በታች የሆኑ ታዳጊዎች ይገኙበታል። ‌‎

መስከረም 5 ቀን 2018 ዓ/ም በተጀመረው ዜጎችን ወደ ሀገር ቤት የመመለስ ስራ እስካሁን 41 ሺህ 671 ኢትዮጵያውያንን ወደ ሀገር መመለስ ተችሏል ሲል የሴቶችና ማሕበራዊ ጉዳዮች ሚኒስቴር መረጃ አሳይቷል። ‌‎

ሚኒስቴር መስሪያ ቤቱ ከሚመለከታቸው ባለድርሻና አጋር አካላት ጋር በመቀናጀት ለተመላሽ ዜጎች በአየር ማረፊያና በማቆያ ማዕከላት ተገቢውን ድጋፍ እና እንክብካቤ የማድረግ እና ከቤተሰብ ጋር የማቀላቀል ስራም በትኩረት እየሰራ እንደሚገኝ አስታውቋል።