የቀይ ባህር አፋር ዴሞክራቲክ ድርጅት በኤርትራ ዓፋሮች ከፍተኛ የሰብአዊ መብቶች ጥሰት እየተፈፀመ ነው አለ፡፡

ኢትዮ ሞኒተር፡ 15/04/2018፡- ድርጅቱ ዛሬ በሰጠው ጋዜጣዊ መግለጫ በጉዳዩ ባለ 120 ገፅ የያዘ ሰነድ ለአፍሪካ የሰብአዊ መብቶችና ህዝቦች ኮሚሽን እንዳስገባ አስታውቀዋል፡፡

የቀይ ባህር አፋር ዴሞክራቲክ ድርጅት ዛሬ በጋዜጣዊ መግለጫው በኤርትራ የአፋር ህዝቦች የሰብአዊ መብቶች ሁኔታዎችን እየተከታተለ መሆኑን በመግለፅ፣ የአካባቢውን ህዝብ የሚነኩ የሰብአዊ ችግሮች ቀጣይነት እንዳላቸው አስታውቀዋል፡፡

የድርጅቱ ሊቀ መንበር ኢብራሂም ሃሩን ከ1990ዎቹ መጀመሪያ ጀምሮ የአፋር ህዝብ ያጋጠሙትን ሁኔታዎች የዘረዘሩ ሲሆን ድርጅቱ እነዚህን ጉዳዮች ከሚመለከታቸው የቀጠናው አካላት ጋር መነጋገሩን ቀጥሏል ብለዋል።

በመግለጫው መሰረት፣ ትኩረት የተሰጣቸው ጉዳዮች መፈናቀል፣ ትንኮሳ እና ሌሎች ከሰብአዊ መብቶች ጋር የተያያዙ ጉዳዮችን ያካትታሉ።

ድርጅቱ ለአፍሪካ የሰብአዊ እና የህዝቦች መብቶች ኮሚሽን ባለ 120 ገጽ የቅሬታ ሰነድ ማቅረቡን በመግለፅ፣ በኤርትራ በአፋር ህዝብ ላይ የሚፈጸሙ ጥሰቶችን የመዘገበ ሲሆን ኮሚሽኑ ሪፖርቱን እንዲገመግም እና በተገቢው አሠራር እና የጊዜ ገደብ ውስጥ ምላሽ እንዲሰጥ ጠይቋል።

ድርጅቱ የሰብአዊ ሁኔታዎችን ለማሻሻል እና ሲቪሎችን በተለይም ሴቶችን እና ህጻናትን ለመጠበቅ እና የግዳጅ ማፈናቀል ጉዳዮችን ለመፍታት የታለሙ እርምጃዎችን እንዲወሰድ ጠይቋል።

በተጨማሪም ድርጅቱ የአፍሪካ የሰብአዊና የሕዝቦች መብቶች ኮሚሽን አቤቱታውን በሙያዊና ገለልተኛ መንገድ እንዲያስተናግድ እንዲሁም በተሰጠው ኃላፊነት መሰረት እርምጃ እንዲወስድ አሳስቧል።

ድርጅቱ ከ40,000 በላይ ያልተመዘገቡ ስደተኞችን ጨምሮ ከ60,000 በላይ የተመዘገቡ የቀይ ባህር አፋር ስደተኞች በኢትዮጵያ እንደሚኖሩ ጠቁመዋል።