እስራኤል በታሪኳ የመጀመሪያ ያለችውን የጋዝ ስምምነት ከግብፅ መፈፀምዋ አስታወቀች፡፡

ኢትዮ ሞኒተር፡ 09/04/2018፡- የእስራኤል ጠቅላይ ሚኒስትር ቤኒያሚን ኔታንያሁ የእስራኤል- ግብፅ የአእስካሁን ድረስ ትልቁን የጋዝ ስምምነት በቪድዮ አስደግፎ አስታውቀዋል፡፡

የእስራኤል ጠቅላይ ሚኒስትር ቤኒያሚን ኔታንያሁ ረቡዕ ታህሳስ 8 ቀን 2018 ዓ/ም በሰጡት ማብራሪያ፣ 112 ቢሊዮን ሰቅል (በግምት 35 ቢሊዮን የአሜሪካ ዶላር ወይም በአሁኑ የምንዛሬ ተመን ላይ በመመስረት 1.6 ትሪሊዮን የግብፅ ፓውንድ) ወደ ግብፅ የሚላከው የተፈጥሮ ጋዝ ኤክስፖርት ስምምነት ማጽደቁን አስታውቀዋል፡፡ ይህም “በእስራኤል ታሪክ ውስጥ ትልቁ የጋዝ ስምምነት” ሲሉ ገልጸውታል።

ከግብፅ ፔትሮሊየም ሚኒስቴር ወይም ከመንግስት እስካሁን ድረስ ይህንን ማስታወቂያ በተመለከተ ምንም አይነት ኦፊሴላዊ አስተያየት አልተሰጠም።

“ዛሬ በእስራኤል ታሪክ ውስጥ ትልቁን የጋዝ ስምምነት አጽድቄያለሁ፣ ይህም 112 ቢሊዮን ሰቅል ዋጋ አለው” ያሉት ኔታኒያሁ “ከዚህ መጠን ውስጥ 58 ቢሊዮን ሰቅል በግብር እና በሮያሊቲዎች በኩል ወደ መንግስት ግምጃ ቤት ይገባል” ብለዋል፡፡

የኢነርጂ ሚኒስትር ኤሊ ኮሄን በበኩላቸው “በደህንነት ረገድም ሆነ በኢኮኖሚ ረገድ ታሪካዊ ወቅት ሲሆን ለክልሉ 58 ቢሊዮን ሰቅል ገቢ እና ከ16 ቢሊዮን ሰቅል በላይ ኢንቨስትመንቶች አሉት” ብለዋል፡፡

አክለውም “ይህ በአገር ውስጥ የጋዝ ዋጋን ለማሻሻል የሚረዱ ዘዴዎችን ያካተተ የመጀመሪያው የኤክስፖርት ስምምነት ነው” ያሉ ሲሆን ስምምነቱ በዋናነት የአሜሪካ ኩባንያ ቼቭሮን እና የእስራኤል አጋሮችን ያካትታል ብለዋል።