የአፍሪካ ደህንነትና የስለላ ኤጀንሲ ጉባኤ በሊብያ ቤንጋዚ ተጀመረ።

ኢትዮ ሞኒተር፡ 16/12/2017፡- የ53 የአፍሪካ ሀገራት የደህንነት እና የስለላ ኤጀንሲ ሃላፊዎች የተሳተፉበት “ተግዳሮቶች፣ ዕድሎች እና ወደፊት መንገዶች” በሚል መሪ ቃል የአፍሪካ ደህንነት እና መረጃ ኤጀንሲዎች ጉባኤ ዛሬ በቤንጋዚ  ተጀምሯል።

ጉባኤው በአፍሪካ ሀገራት መካከል ያለውን የጸጥታ እና የኢኮኖሚ ትብብር ለማሳደግ እና የጋራ የጸጥታ ችግሮችን ለመዋጋት ያለመ ነው።

የሊቢያ የስለላ አገልግሎት የሚዲያ ሴንተር ዳይሬክተር በቤንጋዚ የሚካሄደው ኮንፈረንስ አለም አቀፉ ማህበረሰብ በሊቢያ ያለውን እምነት የሚያንፀባርቅ መሆኑን ጠቁመዋል።

በኮንፈረንሱ የጋራ ፀጥታን ማጎልበት እና ፈጣን የጣልቃገብነት ዘዴዎችን በክልል ሰላም አስከባሪ ሃይሎች ማጎልበት ላይ እንደሚወያይም ጠቁመዋል።

በአህጉሪቱ የሚከሰቱ ቀውሶች መንስኤዎችን ለመፍታት የኢኮኖሚ ትብብር እና የጋራ ልማት፣ መልካም አስተዳደርን እና ግልፅነትን መደገፍ አስፈላጊነትም ትኩረት ተሰጥቶበታል።

የደህንነትና ስለያ ባለሙያዎች ለአፍሪካ የደህንነት ሃላፊዎች ስብሰባ መንገዱን የሚከፍት ውይይትም ከአንደ ቀን በፊት አድርጓል።

ባለሙያዎቹ በሶስት ቀናት ቆይታቸው በአህጉሪቱ ሰላምና ደህንነት ላይ በሚታዩ በርካታ ወሳኝ ጉዳዮች ላይ በመወያየት ለኤጀንሲዎች ኃላፊዎች በቀጥታ የሚቀርቡ እና አስፈላጊ ውሳኔዎችን እንዲሰጡ ቁልፍ ምክሮችን ያዘጋጃሉ።

ሽብርተኝነትን መዋጋት፣ ፅንፈኛ ቡድኖችን ለመግጠም በአገሮች መካከል የደህንነት ትብብርን እና የመረጃ ልውውጥን የማጎልበት መንገዶችም የጉባኤው ምስሶዎች ናቸው ተብሏል።

መደበኛ ያልሆነ ስደት እና የደህንነት እንዲሁም ኢኮኖሚያዊ ተፅእኖዎችን ለመፍታት የጋራ ዘዴዎች መጠቀም ላይ ከውይይቱ አጀንዳዎች መካከል ናቸው ተብሏል።

አገር አቀፍ የተደራጁ ወንጀሎች፡ የጦር መሳሪያ እና የአደንዛዥ ዕፅ ዝውውርን እና ህገወጥ የሰዎች ዝውውርን ለመዋጋት የሚደረገውን ጥረት ማስተባበርም እንዲሁ

የሳይበር ደህንነት፡ የአፍሪካ ሀገራትን ዲጂታል መሠረተ ልማት ከአደጋ ስጋት እንዴት መጠበቅ እንደሚቻልም ባለሞያዎቹ ተወያይቶበታል።

ይህ የመጀመሪያ ደረጃ ስብሰባ የአፍሪካን እያደገ የመጣውን የፀጥታ ችግሮች ለመፍታት ፈጣን እና ውጤታማ ውሳኔዎችን ለማሳወቅ የሚያግዙ ግልጽ ግንዛቤዎችን እና ልዩ ምክሮችን በመስጠት የሀገር እና የመንግሥታት የመሪዎች ጉባኤን ያመቻቻል ተብሎ ይጠበቃል።

ጉባኤው ከአፍሪካ በጣም አስፈላጊ የፀጥታ ትብብር ዘዴዎች አንዱ ሲሆን ስብሰባዎቹ የአህጉሪቱን መረጋጋት እና ልማት ለማረጋገጥ ራዕይን እና ጥረቶችን አንድ ለማድረግ ያለመ እንደሆነም ተጠቁሟል።