የሶማሊያ ጦር በባኮል ክልል ከፍተኛ የአልሸባብ አዛዥ መግደሉ አስታወቀ።

ኢትዮ ሞኒተር፡ 12/12/2017፡- የሶማሌ ብሄራዊ ጦር ሃይሎች በደቡብ ምዕራብ ግዛት ባደረጉት ወታደራዊ ዘመቻ ማጋላቤን በመባል የሚታወቁትን የአልሸባብ ከፍተኛ አዛዥ ሁሴን ሞሊም ሀሰንን ገድያለሁ ብለዋል።

ድርጊቱ የተፈፀመው በባኮል ክልል ከዋጂድ በስተሰሜን 17 ኪሎ ሜትር ርቀት ላይ በምትገኘው በቡርዱሁኩንሌ አቅራቢያ መሆኑን የመከላከያ ሚኒስቴር ባወጣው መግለጫ አስታውቋል።

ከአል-ሸባብ በጣም ከሚፈለጉት መሪዎች አንዱ የሆነው ማጋላቤን ከቡድኑ ጋር ከ15 ዓመታት በላይ የኖረ ሲሆን በተለያዩ ክልሎች ማለትም ሂራን፣ መካከለኛ እና የታችኛው ሸበሌ፣ ሙዱድ፣ ጋልጋዱድ፣ ቤይ፣ ባኮ እና ጌዲኦን ጨምሮ ጥቃቶችን በማቀድ እና በማስፈፀም ቁልፍ ሰው እንደነበር መግለጫው ተቅሷል።

ኣዛዡ በቡድኑ ውስጥ በነበረበት ወቅት በቤይ፣ባኮ እና በጌዲኦ ክልሎች የኦፕሬሽን ኮማንደር፣ የባኮል የግብር ኃላፊ፣ የሸበሌ ክልሎች እና የሂራን የስለላ ሀላፊ እና የአልሸባብ የፕሮፓጋንዳ እና የኢንዶክትሪኔሽን ሀላፊ ፉአድ መሀመድ ሻንጎሌ ምክትል ዋና አዛዥን ጨምሮ በርካታ ከፍተኛ የሃላፊነት ቦታዎችን እንደሰራም የሶማሊያ ጦር ገልጿል።

የሽብር ቡድኑ አልሸባብ በሶማሊያ በርካታ ቦታዎች እየተቆጣጠረ እንደሚገኝ መረጃዎች ቢያሳዩም የሶማሊያ ጦር ግን አንድ አዛዥ ገደልኩ ብሉ እንደትልቅ ድል እያስተጋባ ይገኛል።