የሱዳን መንግስት የጄነራል መሐመድ ዳጋሎ የተኩስ አቁም ስምምነት ውድቅ ማድረጉ ተገለፀ።

ኢትዮ ሞኒተር፡ 17/03/2018፡- የሱዳን መንግስት በፈጣን የድጋፍ ኃይሎች ሚሊሻ አዛዥ መሀመድ ሃምዳን ዳጋሎ “ሄሚቲ” የታወጀውን የተናጠል የተኩስ አቁም በይፋ ውድቅ አድርጓል።

የአገሪቱ የሚኒስትሮች ምክር ቤት ባደረገው ስብሰባ የጦር ኃይሎች አዛዥ እና የሉዓላዊነት ምክር ቤት ሊቀመንበር ሌተና ጄኔራል አብደል ፋታህ አል-ቡርሃን “የአገሪቱን አንድነት፣ ሉአላዊነት እና ክብር በመጠበቅ” “ጠንካራ እና የተከበረ የአርበኝነት አቋም” አድንቋል።

እንዲሁም “የሱዳን ህዝብ መሬትን እና ክብርን የመጠበቅ መብቱን የሚያሟሉ” ንግግሮቻቸውን እና አቋማቸውን ሙሉ በሙሉ እንደሚደግፍ አረጋግጧል።

ምንም እንኳን መግለጫው ሄሚቲን ወይም የታወጀውን የተኩስ አቁም በግልጽ ባይጠቅስም፣ የሱዳን መንግስት ለተባበሩት መንግስታት እና ለዓለም አቀፍ እና ለቀጣናዊ ድርጅቶች የላከውን የመንገድ ካርታ መከተል እንዳለበት በማጉላት ውሳኔውን ውድቅ ማድረግን ያመለክታል፣ የሱዳንን ሉዓላዊነት እና አንድነት በጥብቅ በመደገፍ።

የመንግስት መግለጫው የሳውዲ አረቢያ አልጌ ወራሽ ልዑል መሐመድ ቢን ሳልማንን ተነሳሽነት በደስታ ተቀብሎ መንግስት እውነተኛ ሰላም ለሚፈልጉ ሁሉ “ እጅ” እንደሚዘረጋ በድጋሚ አረጋግጧል።

መንግስት የጦርነቱን ቀጣይነት የሚያሳይ ግልጽ ፍንጨ በመስጠት “ሱዳን ለዘላለም ትኑር፣ ኩሩ እና ጠንካራ… ድል የሚመጣው ከአላህ ብቻ ነው” በማለት መግለጫው ደምድሟል።

ጄነራል መሓመድ ዳጋሎ የሶስት ወራት የተናጠል ነተኩስ አቁም ስምምነት ለማድረግ መወሰናቸው በመግለፅ ይህም ለቀጣይ ፖለቲካዊ ውይይት ወሳኝ ሚና እንደሚጫወት አስታውቆ ነበር።

የሱዳኑ ጦር መሪ ጄነራል አብዱልፈታህ አልቡርሃን ግን በአሜሪካ የቀረበው የሰላም ምክረ ሐሳብ በሱዳን ጦርነት እጇ የምታስገባን ኢሚሬትስ ፍላጎት የሚያሳካ በመሆኑ እንደማይቀበሉት መግለፃቸው መዘገባችን ይታወሳል።