አሜሪካ በጋዛ የቀረበውን የተኩስ አቁም ምክረ ሐሳብ በፀጥታው ምክር ቤት ያላትን ድምፅን በድምፅ የመሻር ስልጣን ተጠቅማ ውድቅ አደረገችው።

ኢትዮ ሞኒተር፡ 09/01/2018፡- አሜሪካ የፀጥታው ምክር ቤት በጋዛ ውስጥ አፋጣኝ፣ ያለቅድመ ሁኔታ  ቋሚ የተኩስ አቁም፣ እና በሃማስ እና በሌሎች ቡድኖች የታሰሩትን ሁሉ በአስቸኳይ፣ በክብር እና ያለምንም ቅድመ ሁኔታ እንዲፈታ የሚጠይቅ የፀጥታው ምክር ቤት ረቂቅ የውሳኔ ሃሳብ ተቃውማለች።

የተባበሩት መንግስታት የፀጥታው ምክር ቤት 15 አባል አገሮች ዛሬ ባደረጉት ስብሰባ በጋዛ አስቸኳይ የተኩስ አቁም ስምምነት የሚጠይቅ ውሳኔ ሐሳብ ቢያቀርቡም አሜሪካ “ሐማስን የሚያጠናክር ውሳኔ ሐሳብ” በማለት ተቃውማለች።

በመሆኑም ውሳኔ ሐሳቡ 14ቱ የምክር ቤቱ አባል አገሮች ቢደግፉትም ከአምስቱ ቋሚ የቬቶ ፓወር አገሮች አንዷ የሆነችውነሰ አሜሪካ በመቃወሟ ሳይፀድቅ ቀርቷል።

የተባበሩት መንግስታት ድርጅት አባላት የጋዛ የተኩስ አቁም ውሳኔን አሜሪካ መቃወሟ ‘ጨለማ ጊዜ’ በማለት ገልፆታል።

የፓኪስታን አምባሳደር አሲም አህመድ ቬቶውን “ጨለማ ጊዜ ነው” ሲሉ ሲገልፁት የአልጄሪያ ተወካይ አማር ቤንድጃም ጦርነቱን ለማስቆም ያደረጉት ጥረት “የተቀበልነውን ግድግዳ ፈርሷል” ብለዋል።